लोणी काळभोर ः कोरोनाचा सर्वाधिक धोका हा पन्नासहून अधिक वय असलेल्या व्यक्तींना असल्याने निष्पन्न झाल्याने जिल्हा (ग्रामीण) पोलिस अधीक्षक संदीप पाटील यांनी यापुढील काळात जिल्हा पोलिस दलातील पन्नास वर्षाहून अधिक वयाच्या सर्व पोलिस कर्मचाऱ्यांना रस्त्यावरची ड्यूटी न देता केवळ ऑफिसमधील काम देण्याचे आदेश दिले आहेत.
कोरोनाच्या पार्श्‍वभूमीवर सरकारने महिनाभरापूर्वी लॉकडाउन लागू केल्यापासून पन्नास ते पंचावन्न वर्षे वय असलेल्या कर्मचाऱ्यांना ऑफिशियल कामकाज देण्याबाबतच्या सूचना यापूर्वीच जिल्ह्यातील सर्वच पोलिस ठाण्याच्या वरिष्ठ अधिकाऱ्यांना दिल्या होत्या. मात्र राज्यभरात मागील काही दिवसापासून ड्यूटीवर असणाऱ्या पन्नासहून अधिक पोलिस कर्मचाऱ्यांना कोरोनाचा संसर्ग झाल्याचे आढळून आले आहे.
संसर्ग झालेल्यांत पन्नासहून अधिक वय असलेल्या कर्मचाऱ्यांचा अधिक समावेश असल्याने पाटील यांनी वरील आदेश दिले आहेत. याबाबत बोलताना संदीप पाटील म्हणाले, "ड्यूटीवर असणाऱ्या प्रत्येक पोलिस कर्मचाऱ्यांच्या आरोग्याची काळजी घेणे हे पोलिस अधीक्षक या नात्याने माझे कर्तव्य आहे. लॉकडाउन सुरू झाल्यापासून वयस्कर कर्मचाऱ्यांनी कमीत कमी रस्त्यावरची ड्यूटी मिळेल याचे नियोजन करण्याच्या सूचना पोलिस अधिकाऱ्यांना यापूर्वीच दिलेल्या आहेत.'
पोलिस अधिकारीही पन्नासहून अधिक वय असलेल्या कर्मचाऱ्यांची काळजी घेत आहेत. मात्र मागील काही दिवसापासून ड्यूटीवर असणाऱ्या काही पोलिस कर्मचाऱ्यांना कोरोनाची लागण होत असल्याच्या घटना घडत आहेत.
पुण्याच्या इतर बातम्या वाचण्यासाठी येथे- क्लिक करा
यामुळे यापुढील काळात पन्नास वर्षे व त्याहून अधिक वय असलेल्या पोलिस कर्मचाऱ्यांना ऑफिशियल काम देण्याचे आदेश दिले आहेत. त्याची अंमलबजावणी होते की नाही यावरही अधीक्षक कार्यालयाकडून लक्ष ठेवण्यात येणार आहे.
कोरोनाचा पादुर्भाव पसरू नये यासाठी पोलिस कर्मचारी चोवीस तास जिवाची बाजी लावून काम करत आहेत. जिल्ह्याचा विचार करता अपुरे पोलिस बळ असल्याने, आमचे जवान चोवीस तास काम करत आहेत. पोलिसांना पुरेशी सुरक्षा मिळावी यासाठी वरिष्ठ पातळीवर प्रयत्न सुरू आहेत. पोलिसांना पुरेसे मास्क, सॅनिटायझर यापूर्वीच पुरविण्यात आले आहेत. तर यापुढील काळात सिक्‍युरिटी किट मिळवण्यासाठी वरिष्ठ पातळीवर प्रयत्न सुरू आहेत.
संदीप पाटील, पोलिस अधीक्षक, पुणे ग्रामीण
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.